Ministri Rashiq vizitoi panairin e Agrokulturës “Agri-renew 2024” në Prishtina Mall, i cili mblodhi ekspozues dhe vizitorë të shumtë nga fusha e bujqësisë. Qëllimi i panairit ishte promovimi i teknologjive moderne dhe praktikave të qëndrueshme për produktet bujqësore.

Në panair mori pjesë edhe ministri i Bujqësisë së Kosovës, z. Faton Peci, të dy theksuan rëndësinë e projekteve të përbashkëta për zhvillimin e sektorit të bujqësisë dhe përmirësimin e jetës së bujqëve. 

Në panair mori pjesë edhe ambasadori i Gjermanisë në Prishtinë, Joern Rhode, i cili theksoi rëndësinë e bashkëpunimit ndërkombëtar dhe shkëmbimit të njohurive në bujqësi. Ambasadori konfirmoi se Gjermania do të vazhdojë të ofrojë mbështetje për prodhuesit bujqësorë.

Ky panair, i cili do të zgjasë për tri ditë, ka për qëllim të bashkojë aktorët kryesorë në Kosovë, përfshirë zyrtarë qeveritarë, liderë të industrisë, organizata donatore ndërkombëtare dhe institucione financiare, për të diskutuar dhe identifikuar nevojat dhe prioritetet për Kosovën në zbatimin e Agjendës së Gjelbër për Ballkanin Perëndimor (shtylla e ekonomisë qarkore).

Ministri Rashiq vizitoi stendat e ndryshme, bisedoi me ekspozuesit dhe shikoi produktet inovative që kontribuojnë në bujqësi më efikase, duke konfirmuar kështu vendosmërinë e Ministrisë për të mbështetur bujqit vendas.