Ministri Nenad Rashiq vazhdon përkushtimin e tij për ndërtimin dhe renovimin e shtëpive dhe sot me shumë entuziazëm ka vizituar familjet e Zvezdan Tasiq dhe Sanja Ristiq nga komuna e Shtërpcës. Me këtë rast u vendos gurthemeli për ndërtimin e shtëpisë së re të familjes Tasiq, duke simbolizuar fillimin e një jete më të mirë për ta.

Për familjen Ristiq, e cila ka kaluar nëpër shumë vështirësi jetësore, ky është një moment shprese dhe kthese. Shtëpia e tyre e rinovuar, në të cilën ata do të vendosen së shpejti, është rezultat i mbështetjes nga Ministria për Komunitete dhe Kthim. Gjatë vizitës, ministri Rashiq premtoi se do të vazhdojë me projekte të ngjashme që kanë për qëllim përmirësimin e kushteve të jetesës dhe sigurimin e një ambienti të sigurt për të gjithë qytetarët, veçanërisht ata që kanë nevojë për më shumë ndihmë. 

Familjet Tasiq dhe Ristiq falënderuan ministrin Rashiq për ndihmën vetëmohuese, duke theksuar se sa shumë do të thotë për ta mundësia e re për një jetë më të mirë. Ky projekt përfaqëson vetëm një nga shumë hapat që Ministria po ndërmerr për të përmirësuar standardet e jetesës, veçanërisht për komunitetet pakicë. Mbështetja e këtyre familjeve është një shembull i përpjekjeve të vazhdueshme për të ndihmuar ata që kanë më shumë nevojë për ndihmë.