7.03.2024

Ministri për Komunitete dhe Kthim, Nenad Rashiq, ka zhvilluar një vizitë të rëndësishme në Prizren, Reqan dhe Lubizhdë për të vlerësuar progresin e projekteve të mbështetura nga Ministria dhe për të ballafaquar problemet e ndryshme që përballen komunitetet në këto zona.

Në Prizren, Ministri Rashiq vizitoi Shoqërinë Kulturo-Artistike "Sumski Behar", ku u njoh me punën dhe kulturën e veshjeve tradicionale. Përfaqësuesit e kësaj shoqate kulturore shprehën kënaqësinë e tyre për bashkëpunimin me ministrinë dhe dëshirën për të vazhduar bashkëpunimin në të ardhmen.

Në Reqan, ministri vizitoi OJQ-në "Equality", e cila ka për qëllim të mbështesë gratë në avancimin e tyre. Falë ndihmës së Ministrisë për Komunitete dhe Kthim në projektin e rrobaqepësisë, janë të certifikuar gra të cilat e kanë ndjekur këtë kurs. Ministri u njoh gjithashtu me probleme dhe nevoja të ndryshme të komunitetit, duke përfshirë nevojat e bujqësisë, zejtarisë, nevojat për zhvillim dhe rritje të firmave ekzistuese, si dhe nevojat elementare të sanitarisë dhe teknikës së bardhë.

Në fshatin Lubizhdë, Ministri vizitoi një kompani që ministria e ka mbështet me makinerit punuese dhe punon me gra të komuniteteve të ndryshme turke dhe boshnjake. Pronari i kësaj kompanie është shprehur se është shumë mirënjohës dhe falenderuaes ndaj ministrisë që ka mbështetur në zhvillimin e këtij biznesi që në të ardhmen mund të punësohen gra të pa puna. 

Kjo vizitë e Ministrit Rashiq paraqet një angazhim të vazhdueshëm për të ndihmuar komunitetet dhe për të siguruar zhvillim dhe mbështetje për projektet e nevojshme në të gjithë Kosovën.