Sot, u nënshkruan 56 marrëveshje për ndarjen e subvencioneve të destinuara për modernizimin e prodhimit bujqësor, fillimin e bizneseve të reja dhe ofrimin e ndihmës mjekësore. Kjo mbështetje përfaqëson një nxitje të rëndësishme për zhvillimin e sektorëve të ndryshëm dhe përmirësimin e cilësisë së jetës në komunitetet jo-shumicë në të gjithë Kosovën.

Qëllimi i programit është forcimi i ekonomisë vendase përmes zhvillimit të qëndrueshëm dhe afatgjatë. Subvencionet u mundësojnë përfituesve të kapërcejnë pengesat kryesore, siç janë mungesa e kapitalit, pajisjet e vjetruara ose qasja e vështirë në treg. Është veçanërisht e rëndësishme që mbështetja të mos përqendrohet vetëm në bujqësi, por edhe në zhvillimin e ndërmarrjeve të vogla dhe të mesme, gjë që hap mundësi të reja për punësim dhe rritje të konkurrueshmërisë.

Vendimi për të dhënë subvencione përfaqëson një investim strategjik në të ardhmen e komuniteteve rurale dhe jo-shumicë, por edhe në sigurinë ekonomike të shumë familjeve. Me këto nxitje, Ministria donte që ti njeh dhe shpërblej gatishmërinë e përfituesve për të marrë pjesë aktive në ndërtimin e një të nesërme më të mirë për veten dhe komunitetin e tyre.