25.09.2023
E nderuara familja Bunjaku,
Me keqardhje dhe dhimbje të thellë mësuam lajmin për ndarjen nga jeta të familjarit tuaj z. Afrim Bunjaku, pjesëtar i Policisë së Kosovës, i cili humbi jetën në mënyrë tragjike nga një grup kriminel në hyrje të fshatit Banjskë të Komunës së Zveqanit. Duke marrë pjesë në dhimbjen tuaj, ne ju shprehim ngushëllimet tona më të sinqerta për humbjen e familjarit tuaj. Shpresoj që fjalët e simpatisë nga shumë njerëz do të jenë një ngushëllim për ju gjatë këtyre ditëve të vështira.

Kjo ngjarje e tmerrshme është një humbje e madhe për të gjithë komunitetin e Kosovës dhe një dhimbje e pambaruar për familjen tuaj. Humbja e tij është një dëshmi e tmerrshme se sfidat e sigurisë që ndodhen ende para nesh nuk janë të lehta dhe kërkojnë bashkëpunim të ngushtë ndërkombëtar dhe përkushtim të vazhdueshëm nga të gjithë qytetarët. Ne dënojmë këtë akt barbar dhe kërkojmë dënimin e merituar për kriminelët që ndodhen pas kësaj ngjarjeje të tmerrshme. Ai do të kujtohet si një shembull i devotshmërisë ndaj vendit dhe kontributit të jashtëzakonshëm ndaj sigurisë publike. Ministria për Komunitete dhe Kthim do të jetë e vendosur të vazhdoi të punoi për të siguruar që Kosova të jetë një vend i sigurt dhe paqësor për të gjithë qytetarët e saj.

Me respekt,  
Ministri Nenad Rashiq