Ministria për Komunitete dhe Kthim vazhdon të tregojë përgjegjësi dhe përkushtim ndaj kategorive më të cenueshme të popullsisë. Sot, në komunën e Zubin Potokut u shënua një moment i rëndësishëm për shtëpinë e re familjare të përfitueses, Gorica Tanasković.

Ministri Nenad Rašić vendosi personalisht gurin e themelit, një simbol i fillimit të një faze të re në jetën e familjes Tanasković dhe shumë të tjerëve të cilëve Ministria u ofron mbështetje. Ky aktivitet është pjesë e strategjisë më të gjerë të Ministrisë, e cila në periudhën e mëparshme ndau fonde të konsiderueshme me qëllimin e qartë për të ndihmuar ata që kanë më shumë nevojë për ndihmë.

"Ministria për Komunitete dhe Kthim dëgjon dhe njeh nevojat reale të qytetarëve. Misioni ynë është të sigurojmë një jetë dinjitoze dhe siguri për të gjithë bashkëqytetarët tanë përmes programeve transparente dhe efikase", tha Ministri Rašić. Shtëpia e re që do të ndërtohet së shpejti përfaqëson jo vetëm një shtëpi të re, por edhe një fillim të ri për Gorica Tanaskoviçin dhe familjen e saj, si dhe një konfirmim se ministria e merr seriozisht çështjen e kthimit dhe mbrojtjes së komuniteteve.