25.04.2024

Programi i Stabilizimit të Komunitetit të IOM-it organizoi një Panair Biznesi në Klan Arena, i cili mblodhi mbi 60 përfitues. Në këtë ceremoni folën z. Nenad Rashiq, Ministër për Komunitete dhe Kthim, znj. Anna Rostocka, Shefe e Misionit të IOM-it dhe z. Johannes Stenbaek Madsen, përfaqësues i Bashkimit Evropian në Kosovë.

Që nga fillimi i tij në 2002, projekti ka pasur një ndikim pozitiv në jetën e komuniteteve jo-shumicë. Kjo ngjarje u dha njerëzve të mbështetur përmes programit mundësinë për të ekspozuar produktet e tyre dhe për të shfaqur ndihmën që morën nga Organizata Ndërkombëtare për Migracionin (IOM), e financuar nga Bashkimi Evropian dhe Ministria për Komunitete dhe Kthim.