Zëvendësministri për Komunitete dhe Kthim, Mevlud Sinani, shpërndau 50 pako ushqimore dhe higjienike të dedikuara për pjesëtaret e komunitetit jo shumicë për të cilët ndihma është e nevojshme. Kjo nismë u realizua pas thirrjes publike dhe përfundimit të rezultateve të procesit të aplikimit për subvencione.

Ministria për Komunitete dhe Kthim me anë të kësaj ndihme po tregon përkushtimin dhe kujdesin e vazhdueshëm për të gjitha komunitetet e njëkohësisht po kryen edhe një akt solidaritet në prag të festës së Fitër Bajramit, që komunitetet në nevojë të kenë akses në të gjitha nevojat e tyre themelore.

Në këtë kontekst, duke falënderuar mediat dhe nënkryetarin e Komunës së Fushë Kosovës, Fadil Krasniqin, për pjesëmarrje dhe bashkëpunim në këtë çështje, Zëvendësministri Mevlud Sinani, në mesazhin e solidaritetit me publikun, tha se do të vazhdoi edhe më tutje të angazhohet në mënyrë aktive në nisma të tilla për ofrimin e ndihmave personave me nevojë.