05.05.2024

Në këtë festë të shenjtë të Pashkëve Ortodoks, dëshiroj të shpreh gëzimin tim dhe të bëj një urim të ngrohtë për ju dhe të gjithë komunitetin ortodoks. Le të përjetoni këtë ditë të shenjtë me dashuri, gëzim dhe harmoni në familje dhe në komunitetin tuaj.

Pashkët janë kohë për të reflektuar mbi ngjarjen e madhe të ringjalljes së Krishtit, një ngjarje që simbolizon shpresën, paqen dhe jetën e përjetshme. Le të përjetoni këtë ngjarje të shenjtë me ndjenjën shpresës së re në zemrat tuaja, duke përjetuar forcën dhe dritën që sjell Krishti në jetën tonë.

Si ministër për komunitete dhe kthim, jam i përkushtuar për të siguruar që të gjithë komunitetet, përfshirë dhe komunitetin ortodoks, të kenë mundësinë për të festuar lirshëm dhe për të përjetuar gëzimin e Pashkëve. Në këtë kohë të shenjtë, le të mbajmë zemrat tona të hapura për të tjerët dhe të ndajmë dashurinë dhe ndihmën tonë me ata që kanë nevojë.

Le të përqafojmë frymën e solidaritetit dhe dashurisë ndaj njëri-tjetrit, duke shfaqur mirësi dhe kujdes në botën tonë. Le të jemi burime të dritës dhe shpresës për të tjerët, duke përhapur dashurinë dhe paqen nëpërmjet veprimeve tona të mira.

Në këtë ditë të veçantë, uroj që Zoti të ju bekojë me shëndet të mirë, lumturi dhe sukses në të gjitha përpjekjet tuaja. Le të keni një Pashkë të lumtur dhe të begatshëm, plot me gëzim dhe lumturi.

Gëzuar Pashkët!

Nenad Rashiq Ministër për Komunitete dhe Kthim