16.02.2024

Ministri për Komunitete dhe Kthim, Nenad Rashiq, priti në një takim të rëndësishëm ambasadorin jo rezident të Australisë për Kosovën, Richard Rodgers.

Takimi u mbajt në zyrat e Ministrisë për Komunitete dhe Kthim në Prishtinë dhe u përqendrua në disa tema kyçe siç janë zbatimi i Rregullores së re të Bankës Qendrore, përmirësimin e kushteve të jetesës për komunitetet në Kosovë dhe zhvillimin ekonomik i tyre.

Ministri Rashiq theksoi rëndësinë e zbatimit të rregullores së re të Bankës Qendrore për të siguruar stabilitetin dhe lehtësirën e transaksioneve financiare në Kosovë. Ai gjithashtu shprehu mirënjohjen ndaj partnerëve ndërkombëtarë, si Ambasada e Australisë, për mbështetjen dhe bashkëpunimin në këtë drejtim. Ministri po ashtu shprehu përkushtimin e tij për të adresuar sfidat dhe për të promovuar përfshirjen dhe barazinë në të gjitha sferat e jetës shoqërore në Kosovë. Ai tha se është duke punuar në bashkëpunim të ngushtë me partnerët ndërkombëtarë për të siguruar që nevojat e të gjitha komuniteteve të jenë të përmbushura dhe për të zhvilluar politika dhe masa konkrete për të adresuar çështjet që prekin komunitetet e ndryshme.

Ministri Rashiq dhe Ambasadori Rodgers shfaqën gatishmërinë për të vazhduar këtë bashkëpunim të frytshëm dhe për të gjetur mënyra inovative për të promovuar prosperitetin dhe mirëqenien e të gjithë qytetarëve në Kosovë.