16.01.2024

Ministri për Komunitete dhe Kthim, Nenad Rashiq, zhvilloi një takim të rëndësishëm me shefin e misionit të EULEX-it, Giovanni Petro Barbano, me qëllim të adresimit të sfidave kyçe që ndikojnë në stabilitetin dhe zhvillimin e Kosovës. Takimi u fokusua në tema të ndryshme, duke përfshirë sigurinë në vend, sundimin e ligjit, situatën në veri dhe riintegrimin e serbëve në institucionet vendore, si dhe perspektivat për bashkëpunim të mëtejshëm në të ardhmen.

Në këtë kontekst, diskutimi u përqendrua te nevoja për të përmirësuar dhe forcuar sigurinë në të gjithë territorin e Kosovës. Ministri Rashiq dhe zoti Barbano ndanë shqetësimet për sfidat e aktualizuara në fushën e sigurisë dhe rëndësinë e ndërveprimit të ngushtë për të adresuar këto sfida. Ata u pajtuan se sundimi i ligjit duhet të jetë një element themelor në agjendën e vazhdueshme të institucioneve, duke u përqendruar në përpjekjet për të forcuar kapacitetet e drejtësisë dhe zbatuar ligjin në mënyrë të drejtë dhe të barabartë për të gjithë qytetarët.

Temë tjetër e diskutimit ishte situata në veri të Kosovës dhe sfidat që paraqiten për sundimin e ligjit dhe autoritetet vendore. Ministri Rashiq theksoi rëndësinë e riintegrmit të serbëve të Kosovës në institucionet vendore dhe angazhimin për të adresuar çështjet specifike që dalin nga kjo situatë. Ata vlerësuan përpjekjet për të siguruar që serbët të kenë mundësinë e plotë për të kontribuar në zhvillimin e vendit dhe për të pasur një përfaqësim adekuat në institucionet vendore dhe zhvillimin e një mjedisi të qetë dhe të sigurt për të gjithë.

Në përfundim të takimit, ministri Rashiq dhe zoti Barbano diskutuan mbi perspektivat e bashkëpunimit të mëtejshëm. Ata shprehen se ka potencial për të thelluar dhe zgjeruar partneritetin mes tyre. Diskutimi u fokusua në nevojën për të forcuar koordinimin dhe bashkëpunimin në nivele të ndryshme, duke përfshirë shkëmbimin e përvojave dhe mbështetjen reciproke për të adresuar sfidat dhe për të përmirësuar kapacitetet institucionale.

Ky takim shënon një hap të rëndësishëm drejt forcimit të bashkëpunimit dhe dialogut konstruktiv mes tyre. Përmbajtja e diskutuar shërben si një pikënisje për veprime konkrete në drejtim të ndërtimit të një mjedisi të qetë dhe të sigurt për të gjithë qytetarët e Kosovës.