09.07.2024
Ministria për Komunitete dhe Kthim, në bashkëpunim dhe me mbështetjen financiare të UNHCR-it, Zyra e Shefit të Misionit në Kosovë, ka nisur fazën e tretë të trajnimit për Sistemin e Menaxhimit të Rasteve (SMR). Kjo punëtori është pjesë e një iniciative të gjerë për të përmirësuar përdorimin e bazës së të dhënave të MKK-së, në përputhje me Rregulloren (QRK) - nr. 01/2018 për kthimin e personave të zhvendosur dhe zgjidhje të përhershme.
Punëtoria synon trajnimin e zyrtarëve komunalë të zyrave për komunitete dhe kthim në të gjitha rajonet e Kosovës. Qëllimi është që sistemi të përdoret në mënyrë uniforme nga të gjitha komunat, duke shmangur çdo ngecje në punën e MKK-së. Procesi fillon nga ZKKK dhe përfundon me MKK, duke siguruar një qasje të koordinuar dhe efikase në menaxhimin e rasteve.
Ministri për Komunitete dhe Kthim, Nenad Rashiq, theksoi rëndësinë e këtij sistemi dhe përdorimin e tij si esencial për regjistrimin e rasteve nga MKK. Në fjalën e tij, ai kërkoi angazhim maksimal nga të pranishmit për të siguruar që sistemi të jetë i kompletuar dhe funksional. Ai gjithashtu njoftoi për avancimin e sistemit, duke theksuar se i gjithë procesi do të kalojë online, çka do të lehtësojë dhe më shumë qasjen e komuniteteve në shërbimet që ofron MKK.
"Ky sistem është një hap i madh përpara për të përmirësuar efikasitetin dhe transparencën në menaxhimin e rasteve të personave të zhvendosur. Përdorimi i tij do të sigurojë që çdo rast të trajtohet në mënyrë të duhur dhe në kohë, duke mundësuar zgjidhje të qëndrueshme për të gjithë personat e prekur," tha Ministri Rashiq.
Shefi i Misionit të UNHCR-së në Kosovë, i cili mori pjesë në këtë ngjarje të rëndësishme, përgëzoi përpjekjet e Ministrisë për Komunitete dhe Kthim dhe theksoi rëndësinë e bashkëpunimit ndërmjet institucioneve për të arritur qëllimet e përbashkëta. UNHCR-i mbështet plotësisht këtë iniciativë dhe është e përkushtuar për të vazhduar mbështetjen financiare dhe teknike për këtë proces. Përdorimi efektiv i Sistemit të Menaxhimit të Rasteve do të kontribuojë në zgjidhje më të mira dhe më të qëndrueshme për personat e zhvendosur dhe komunitetet në Kosovë," tha ai.
Me mbështetjen e UNHCR-it dhe angazhimin e Ministrisë për Komunitete dhe Kthim, ky sistem pritet të sjellë përfitime të mëdha për të gjithë të prekurit. Zyrtarët komunalë do të trajnohen për të përdorur sistemin në mënyrë efikase dhe për të siguruar që të gjitha rastet të regjistrohen dhe të menaxhohen në përputhje me standardet më të larta.
Ministri Rashiq dhe Shefi i Misionit të UNHCR-së në Kosovë theksuan rëndësinë e këtij procesi dhe u zotuan për mbështetje të vazhdueshme. Trajnimi dhe përdorimi efektiv i Sistemit të Menaxhimit të Rasteve do të sigurojë një menaxhim më të mirë dhe më transparent të rasteve, duke kontribuar në zgjidhje të qëndrueshme për personat e zhvendosur.
