21.02.2024

Ambasadorja jo rezidente e Kanadasë në Kosovë, Jessica Blitt, zhvilloi një takim me Ministrin për Komunitete dhe Kthim, Nenad Rashiq, për të adresuar sfidat dhe mundësitë për bashkëpunim të thellë në fushën e zhvillimit të komuniteteve dhe për të diskutuar prioritetin kryesor, çështjen e dinarit.

Diskutimi mes Ambasadores Blitt dhe Ministrit Rashiq u fokusua në rëndësinë e përmirësimit të situatës së dinarit dhe efektet e saj tek komunitetet në Kosovë. Ata shkëmbyen pikëpamje dhe ide për të adresuar këtë çështje të ndjeshme dhe për të gjetur zgjidhje efektive për të përmirësuar kushtet e jetesës për komunitetet dhe integrimin e tyre në institucionet publike.

Gjatë bisedave të tyre, ata gjithashtu diskutuan për çështje aktuale të interesit të përbashkët dhe për gatishmërinë e Kanadasë për të mbështetur projektet që synojnë të promovojnë paqen, stabilitetin dhe zhvillimin e qëndrueshëm në Kosovë.

Gjatë takimit, u theksua nevoja për bashkëpunim të ngushtë dhe përpjekjet e përbashkëta për të përmirësuar situatën aktuale dhe për të ofruar mundësi të barabarta për të gjitha komunitetet në Kosovë. Ambasadorja Blitt dhe Ministri Rashiq shfaqën gatishmëri për të punuar së bashku dhe për të ndërmarrë hapa konkrete për të adresuar çështjen e dinarit dhe për të promovuar zhvillimin e qëndrueshëm dhe paqen në Kosovë.