Detyrat dhe përgjegjësitë e Departamentit për Planifikim të Politikave dhe Analizave janë:

1. Propozon, harton dhe monitoron zbatimin e politikave të MKK-së për mbështetjen e komuniteteve;
2. Ndihmon dhe këshillon në përcaktimin dhe vendosjen e prioriteteve strategjike të Ministrisë në pajtim me prioritetet e Qeverisë;
3. Harton dokumentet e politikave dhe planifikimit për MKK-në, strategjitë dhe planet e veprimit dhe mbikëqyrë zbatimin e tyre;
4. Krijon kushtet për ndërtimin e besimit midis komuniteteve, duke zhvilluar dialog ndëretnik lidhur me politikat integruese që kanë të bëjnë me komunitetet dhe me të kthyerit;
5. Zhvillon strategjinë e bashkëpunimit me shoqërinë civile me qëllim të integrimit të të gjitha komuniteteve, ndërtimit të besimit midis tyre dhe rritjes së vetëdijesimit;
6. Menaxhon bazën qendrore të të dhënave për kthim;
7. Propozon dhe harton projekte për zhvillimin ekonomik të komuniteteve;
8. Ofron mbështetje në bashkërendimin e aktiviteteve për procesin e integrimit evropian.

Udhëheqësi i Departamentit për Planifikim të Politikave dhe Analiza raporton tek Sekretari i Përgjithshëm.

Në kuadër të këtij Departamenti bëjnë pjesë Divizionet si vijon:

1. Divizioni për Planifikim të Politikave;
2. Divizioni për Komunitetet e Disfavorshme;
3. Division for European Integration and Policy Coordination;

---

Divizioni për Planifikim të Politikave

Detyrat dhe përgjegjësitë e Divizionit për Planifikim të Politikave janë:

1. Propozon dhe harton politikat për MKK;
2. Menaxhon bazën qendrore të të dhënave lidhur me kthimin dhe komunitetet;
3. Ndihmon në përgatitjen e koncept dokumenteve për legjislacion

Udhëheqësi i Divizionit për Planifikim të Politikave raporton tek Udhëheqësi i Departamentit për Planifikim të Politikave dhe Analiza.

Divizioni për Komunitetet e Disfavorshme

Detyrat dhe përgjegjësitë e Divizionit për Komunitetet e Disfavorshme janë:

1. Adreson çështjet që ndërlidhen me komunitetet e disfavorshme, si dhe koordinon dhe siguron unifikimin e politikave të komunitetit RAE me institucionet e tjera, partnerët ndërkombëtarë dhe organizatat joqeveritare;
2. Siguron zbatimin e rekomandimeve të Dekadës së përfshirjes të Komunitetit RAE;
3. Propozon dhe harton politika të favorshme për qëndrueshmërinë ekonomike të komuniteteve të disfavorshme;
4. Ndërmerr masat e nevojshme, në bashkëpunim me institucionet përkatëse, në realizimin e të drejtave shëndetësore, arsimore, kulturore etj të komuniteteve të disfavorshme.

Udhëheqësi i Divizionit për Komunitetet e Disfavorshme raporton tek Udhëheqësi i Departamentit.