Ministria për Komunitete dhe Kthim vazhdoi me zbatimin e programeve që synojnë përmirësimin e prodhimit bujqësor, dhe këtë herë familjet në komunën e Leposaviqit morën mbështetje. Në bashkëpunim me partnerët e zbatimit GIZ dhe Shoqatën Humanitare “Nëna Terezë”, përfituesve iu dhanë makineri bujqësore që do të kontribuojnë në punë dhe zhvillim më efikas të fermave të tyre.
Me këtë rast, Ministri për Komunitete dhe Kthim Nenad Rašić vizitoi familjet Trifunović, Radovanović dhe Vukadinović, bisedoi me ta rreth planeve të tyre për zhvillimin e mëtejshëm të prodhimit dhe u njoh me nevojat me të cilat përballen çdo ditë.
Ministri Rašić theksoi se investimi në bujqësi është një nga mënyrat më të rëndësishme për të forcuar pozicionin ekonomik të familjeve që jetojnë dhe punojnë në zonat rurale.
“Bujqësia është mbështetja për shumë familje dhe për këtë arsye ne duam t’u ofrojmë atyre mbështetje konkrete që do të përmirësojë prodhimin e tyre dhe do ta bëjë punën e përditshme më të lehtë. Qëllimi ynë është të krijojmë kushte për zhvillim të qëndrueshëm, investime të reja dhe një të ardhme më të sigurt për njerëzit që qëndrojnë dhe punojnë në fermat e tyre”, tha Ministri Rašić.
Programi i mbështetjes së Ministrisë për Komunitete dhe Kthim do të vazhdojë në periudhën e ardhshme përmes ndarjes së ndihmës për përfituesit në të gjithë Kosovën. Duke investuar në bujqësi dhe zhvillimin e fermave familjare, Ministria vazhdon të kontribuojë në fuqizimin ekonomik të komuniteteve dhe përmirësimin e kushteve të jetesës për qytetarët.
