Deputeti Nenad Rašić vizitoi sot fshatin Rvatska, në komunën e Leposavić, ku bisedoi me qytetarët dhe ndoqi punimet e rehabilitimit në segmentin e rrugës Ćamilova kuća – Grčevo, në fshatin Rvatska.
Ky projekt modest, por, sipas vendasve, i rëndësishëm, realizohet me mbështetjen e Ministrisë së Komuniteteve dhe Kthimit, me qëllim që t’u ofrojë vendasve komunikim më të sigurt dhe më të lehtë të përditshëm, por edhe të përmirësojë kushtet e jetesës në këtë zonë.
Për njerëzit që jetojnë në zonat rurale, infrastruktura rrugore cilësore nuk është vetëm çështja e trafikut ma të mirë, por edhe një parakusht i rëndësishëm për zhvillim, disponueshmëri të shërbimeve dhe familjeve që qëndrojnë në shtëpitë e tyre.
Gjatë vizitës, Rašić bisedoi me vendasit për nevojat dhe problemet e tyre, me mesazhin se mbështetja për komunitetet lokale duhet të jetë specifike dhe e fokusuar në projekte që përmirësojnë drejtpërdrejt jetën e qytetarëve.
Ministria për Komunitete dhe Kthim vazhdon të mbështesë projekte që kontribuojnë në zhvillimin e komuniteteve, infrastrukturë më të mirë dhe krijimin e kushteve që njerëzit të qëndrojnë këtu, të punojnë dhe të ndërtojnë të ardhmen e tyre.
